CONVOCATORIA DO CONCURSO DE CARTEIS 2022

Con motivo das representacións do espectáculo “A Gárgola do Mestre Mateo” nas localidades de Esteiro (Muros), Brión, Vimianzo, Escarabote (Boiro) e Negreira durante os meses de xuño e xullo, a compañía de teatro A Xanela do Maxín convoca un concurso de carteis.

O obxecto do concurso é visibilizar as representacións de “A Gárgola do Mestre Mateo” que se levarán a cabo nestes lugares. Un espectáculo multidisciplinar baseado na obra “A Viaxe de Saira” e dirixido ao público familiar con base na cultura e na tradición propias, na que colaborarán, entre outros, a Deputación da Coruña, diferentes Agrupacións folclóricas dos municipios participantes así como as compañías de teatro Alakrán e Ribeirart e os Concellos de Muros, Brión, Vimianzo, Boiro e Negreira . Os 5 carteis gañadores usaranse para o anuncio de dito espectáculo tanto en formato físico como dixital.

BASES DO CONCURSO 

1. Participantes: Poderá participar no concurso calquera alumna ou alumno de educación infantil ou primaria dos centros educativos das cinco localidades onde se realizarán as representacións. A participación pode ser individual ou grupal.

2. Temática e características técnicas das obras: O contido do cartel deberá difundir o evento do espectáculo “ A gárgola do mestre Mateo”. Para iso proporcionarase material audiovisual sobre o mesmo.

3. O cartel realizarase en formato horizontal ou vertical coas medidas mínimas de A4 e enviarase en formato electrónico coa extensión JPG ou PDF. Pode incluír a frase “ A gárgola do mestre Mateo”, aínda que non é obrigatorio. Non levará ningún outro texto.

4. Tanto a técnica coma o estilo dos carteis serán libres. As composicións deben ser orixinais e inéditas. Non se poderán empregar imaxes ou nomes que identifiquen marcas comerciais ou persoas recoñecidas no ámbito público. O deseño premiado será o cartel que anuncie dito evento. 

5. O alumnado que desexe participar neste concurso poderá facelo ata o día 3 de xuño do 2022. As obras remitiranse en formato PDF ou JPG nunha resolución de 300ppp, xunto coa información identificativa (nome, apelidos, curso e colexio) ao seguinte enderezo electrónico: comunicacion@axaneladomaxin.com. Tamén se poden realizar os envío a través de Wetransfer a ese mesmo enderezo.

6. O Xurado será determinado pola compañía de teatro A Xanela do Maxín.  

7. O premio consiste nun lote de libros da editorial Guindastre e un títere para a alumna, alumno ou grupo gañador. 

8. Aceptación das bases:  A participación no concurso implica a aceptación íntegra destas bases.

Publicacións populares deste blog

Unha fin de semana ben intensa

Imaxe
A Xanela do Maxín tivemos unha fin de semana ben intensa con esta primeira edición de "A Gárgola do Mestre Mateo" Visitamos tres parroquias do rural de Compostela: Aríns, A Peregrina e Laraño c oa colaboración, implicación e complicidade das agrupacións folclóricas e asociacións culturais destas parroquias, desenvolvemos NOVE obradoiros de música, danza e arte e TRES funcións do espectáculo de teatro. Con todas as medidas de seguridade, tendo en conta todos os coidados necesarios, empregamos e valorizamos espazos do patrimonio cultural e arquitectónico do rural compostelán, e sobretodo, creamos COMUNIDADE. Nos tres lugares os AFOROS COMPLETÁRONSE, a veciñanza participou moi activamente e as entidades culturais contribuiron con absoluta entrega e comunión co proxecto. Teimamos en facer fincapé en que #aculturaésegura e mellora a vida das persoas. Precisamos como sociedade, como colectivo, de xuntarnos e crear conxuntamente. Precisamos a música, o teatro e a arte como maneira
Ler máis

Este domingo A Gargola do Mestre Mateo chega a Negreira!

Imaxe
Seguimos de xira coa A Gárgola do Mestre Mateo , esta fin de semana chegamos a Negreira! Estaremos ás 12:30 do mediodía do domingo na Praza do Concello.  Unha adaptación de A Viaxe de Saira  coa participación especial da Sociedade Folklorica Veiga do Cotón  Ollade ben o cartaz, ademais de todos os datos atoparedes o debuxo que resultou gañador do concurso desta edición feito polas crianzas do EEI de Aro!!! Coa colaboración da Deputación da Coruña , da Xunta de Galicia  , do Xacobeo 21-22, da AGADIC e do Concello de Negreira. 
Ler máis

Algunhas das fotos da función de hoxe!!

Imaxe
Hoxe foi moi especial, pois foi a ultimísima función de "A Gárgola do Mestre Mateo" do mes de decembro. Só temos palabras de agradecemento para todas as funcións que fixemos nos Centros Socioculturais, a todas as agrupacións que fixeron que cada día fora unha experiencia nova e a cada persoa que participou nas actuacións! Vémonos pronto🤪🥳
Ler máis